Section #
Segment

Kynningartími á mati á umhverfisáhrifum Hvammsvirkjunar var sumarið 2017. Á kynningartímanum hélt Landsvirkjun opna fundi með almenningi og fagaðilum þar sem niðurstöður frummatsskýrslunnar voru kynntar.

Section #Kynningartimi
Segment

Kynning á mati á umhverfisáhrifum

Opinber kynningartími frummatsskýrslu var frá 24. maí til 6. júlí 2017. Þann 6. júní buðu Landsvirkjun og Landsnet umsagnaraðilum og leyfisveitendum á framkvæmdasvæðið og héldu kynningu á niðurstöðum frummatsskýrslunnar. Í samráði við skipulagsfulltrúa Skeiða- og Gnúpverjahrepps, Rangárþings ytra og Skipulagsstofnun voru á þessum tíma haldin þrjú opin hús þar sem áhugasamir gátu kynnt sér verkefnið. Opnu húsin voru haldin miðvikudaginn 14. júní frá kl. 15-21 i Félagsheimilinu Árnesi, fimmtudaginn 15. júní frá kl. 15-21 á Hótel Stracta á Hellu og fimmtudaginn 29. júní kl. 17-19 á Nauthóli í Reykjavík.

Á fundunum voru niðurstöður frummatsskýrslu kynntar á veggspjöldum og tölvuskjám og voru fulltrúar framkvæmdarinnar, ásamt ráðgjöfum á staðnum til að svara spurningum.

Section #Sendaabendingu
Segment

Öllum var heimilt að senda ábendingu

Með þessari rafrænu útgáfu af frummatsskýrslunni vildi Landsvirkjun ná athygli almennings snemma í undirbúningsferli framkvæmdarinnar, á meðan enn var tækifæri til að hafa áhrif á framgang ferlisins. Að kynningartíma loknum var umsögnum og athugasemdum sem bárust eftir formlegum leiðum svarað í endanlegri matsskýrslu.